Манай компани үүсгэн байгуулагдснаасаа хойш Монгол Улсад Солонгос улсын лифт, урсдаг шатыг нийлүүлж ирсэн ба 2007 оноос БНХАУ-ын Шанхай хот дахь цахилгаан шат болон урсдаг шатны суурь үйлдвэр болох “CANNY ELEVATOR GROUP”–ийн олон улсын стандартад нийцсэн брэнд бүтээгдэхүүнийг нийлүүлж тэдгээрийн угсралт суурилуулалт, цаашдын хэвийн аюулгүй ажиллагааг ханган ажиллаж байна.

Canny үйлдвэр нь лифт, урсдаг шатны мотор, control panel, хаалганы дээд анги VVVF системүүдийг үйлдвэрлэж азийн орнуудын лифт, урсдаг шатны үйлдвэрүүдэд бүтээгдэхүүнээ нийлүүлдгээрээ алдартай юм.

Бүтээгдэхүүнээ дэлхийн зах зээлд 40 гаруй улсад экспортлож Олон улсын чанарын сертификатуудыг хүртээд байна.Тус үйлдвэр нь бүтээгдэхүүний шалгуур үзүүлэлтүүдээрээ бүх хятадын хэмжээнд 2008, 2010 онуудад тэргүүн байр эзэлж 2011 онд борлуулалтаараа тэргүүлсэн үндэсний шилдэг брэнд үйлдвэр юм.

Манай компани цахилгаан шат болон урсдаг шатыг угсарч суурилуулах, засвар техникийн үйлчилгээг эрхлэх тусгай зөвшөөрөлтэй ба “CANNY ELEVATOR GROUP”–ийн Монгол Улс дахь албан ёсны дистербютерээр ажилладаг.

Бид олон улсын чанарын ISO9001, ISO14001 стандарт хангасан дуу намжаагч, чичиргээгүй, гэрэлтүүлэг дуудлагын даралтууд нь дээд зэрэглэлийн бүтээгдэхүүн төдийгүй зорчигчдын аюулгүй байдал, таатай зорчих нөхцөлийг бүрдүүлэн ажиллаж байна.

Манай хамт олон Солонгос улс болон БНХАУ-ын Шанхай хотод мэргэжил дээшлүүлсэн инженер техникийн ажилчдаас бүрдсэн угсралт, засвар үйлчилгээний 4-5 багийн бүрэлдэхүүнтэйгээр үйл ажиллагаагаа чанарын өндөр түвшинд чадварлаг гүйцэтгэж байна.

Бид Монголын Улсын барилгын салбарын хөгжилд тодорхой хувь нэмрээ оруулж дотоодын 30 гаруй байгууллагатай байнгын нягт хамтын ажиллагаатайгаар үйл ажиллагаагаа өргөжүүлэн тэлж байна.

Байгууллагын эрхэм зорилго:

• Шилдэг технологи
• Чадварлаг боловсон хүчин
• Чанартай үйлчилгээ

Үйл ажиллагааны чиглэл:

• Цахилгаан шат болон урсдаг шатыг Монгол Улсад нийлүүлэх
• Цахилгаан шат болон урсдаг шатыг угсарч суурилуулах
• Боловсон хүчний чадавхи бүрдүүлэх
• Техникийн засвар үйлчилгээг эрхлэх
• Мэргэжлийн зөвлөгөө өгөх